ایک نیوز:انکم ٹیکس آرڈیننس 2001 میں متنازعہ ترامیم پر لاہور چیمبر آف کامرس اینڈ انڈسٹری کا سخت ردعمل سامنے آیا ہے۔
لاہور چیمبر نے پیر کل گیارہ بجے صنعتی و تجارتی تنظیموں کا ہنگامی اجلاس طلب کرلیا۔ 
صدر لاہور چیمبر میاں ابوذر شادنے ایک نیوز سےگفتگو میں کہا ہے کہ ہائی کورٹ یا سپریم کورٹ کے فیصلے کے بعد ٹیکس فوری واجب الادا قرار ہوگا، ایف بی آر کو اکاؤنٹ منجمد کرنے کا فوری اختیار دے دیا گیا ہے۔
 نوٹس یا کارروائی کے بغیر بینک سے رقم نکلوانے کا نیا قانون نافذ کردیا گیا، ایف بی آر کو کاروباری مقامات پر افسر تعینات کرنے کا اختیار حاصل ہوگیا، پیداوار اور سٹاک کی نگرانی کے لیے ایف بی آر اہلکار موجود ہوں گے۔
 ایف بی آر دیگر وفاقی و صوبائی اداروں کو ضبطی کا اختیار دے سکے گا، نئے اختیارات سے نجی زندگی اور کاروبار کا استحصال ہوگا، آرڈیننس فوری نافذ، پارلیمنٹ سے منظوری بھی ضروری نہیں سمجھی گئی، استحصال کی بدترین مثال ہے۔ 
آرڈیننس نے ایف بی آر کو مکمل بااختیار نگران بنا دیا گیا ہے، آئینی طور پر پارلیمنٹ کو بائی پاس کرنا خطرناک روایت ہوگی،وزیراعظم شہباز شریف فوری طور پر نوٹس لیں۔